ٹرمپ کا امریکی میڈیا پر شدید حملہ، ایران آپریشن کی کوریج پر برہمی
ٹرمپ کا امریکی میڈیا پر شدید حملہ، ایران آپریشن کی کوریج پر برہمی
اسلام آباد(کیپٹل ٹائمز نیوز ڈیسک)امریکی صدر Donald Trump نے ایک بار پھر امریکی میڈیا کو تنقید کا نشانہ بناتے ہوئے ایران پر مبینہ حملوں کی کوریج پر سخت ردعمل دیا ہے۔
اپنے سوشل میڈیا پلیٹ فارم Truth Social پر بیان میں انہوں نے CNN اور دیگر میڈیا اداروں پر الزام عائد کیا کہ وہ ایران کی جوہری تنصیبات پر امریکی کارروائی “آپریشن مڈنائٹ ہیمر” کی کامیابی کو کم تر دکھا رہے ہیں۔
ٹرمپ کے مطابق یہ آپریشن ایران کے جوہری مراکز کی مکمل تباہی کا باعث بنا، تاہم اس کے اثرات ختم کرنے کا عمل طویل اور پیچیدہ ہوگا۔ انہوں نے کہا کہ میڈیا امریکی پائلٹس کو ان کی کامیابی کا مکمل کریڈٹ نہیں دے رہا۔
اس سے قبل بھی ٹرمپ نے دعویٰ کیا تھا کہ امریکا ایران کے خلاف برتری حاصل کر چکا ہے، لیکن The New York Times، The Wall Street Journal اور The Washington Post کی کوریج اس کے برعکس تاثر دے رہی ہے۔
انہوں نے مزید کہا کہ ایسی رپورٹس سے دشمن کنفیوژن کا شکار ہو رہا ہے اور بعض میڈیا ادارے امریکا کے خلاف بیانیہ پیش کر رہے ہیں، تاہم ان کے مطابق صورتحال امریکا کے کنٹرول میں ہے۔
About The Author
