وزیراعظم شہباز شریف کا ہر سال 10 مئی کو “یومِ معرکۂ حق” منانے کا اعلان -

اسلام آباد(کیپٹل ٹائمز نیوز ڈیسک)وزیراعظم Shehbaz Sharif نے ہر سال 10 مئی کو “یومِ معرکۂ حق” کے طور پر منانے کا اعلان کردیا۔

اسلام آباد میں منعقدہ مرکزی تقریب سے خطاب کرتے ہوئے وزیراعظم نے کہا کہ یومِ معرکۂ حق ملک بھر میں جوش و خروش اور قومی وحدت کے جذبے کے ساتھ منایا جائے گا۔

انہوں نے کہا کہ دشمن کی جانب سے جنگ مسلط کیے جانے پر افواجِ پاکستان نے بھرپور اور مؤثر جواب دیا، جس کے نتیجے میں دشمن صرف چار گھنٹوں میں جنگ بندی کی درخواست کرنے پر مجبور ہوگیا۔

شہباز شریف کا کہنا تھا کہ ہر طرف پاکستان کے شاہینوں کا غلبہ تھا جبکہ دشمن کے طیاروں کا ملبہ بکھرا ہوا تھا۔ انہوں نے افواجِ پاکستان کی پیشہ ورانہ صلاحیتوں اور قوم کے اتحاد کو خراجِ تحسین بھی پیش کیا۔