ڈونلڈ ٹرمپ کی عمان کو بھی سخت وارننگ، آبنائے ہرمز پر کسی کا کنٹرول قبول نہیں -

اسلام آباد(کیپٹل ٹائمز نیوز ڈیسک)ڈونلڈ ٹرمپ نے ایران کے ساتھ ساتھ امریکا کی اتحادی ریاست عمان کو بھی سخت پیغام دیتے ہوئے خبردار کیا ہے کہ عمان کو دیگر ممالک کی طرح رویہ اختیار کرنا ہوگا، ورنہ اسے بھی تباہی کا سامنا کرنا پڑ سکتا ہے۔

کابینہ اجلاس کے دوران صحافیوں سے گفتگو میں ٹرمپ سے سوال کیا گیا کہ کیا انہیں عمان کا ایران کے ساتھ مل کر آبنائے ہرمز کو کنٹرول کرنا قبول ہوگا؟

اس پر امریکی صدر نے کہا کہ کوئی بھی آبنائے ہرمز کو کنٹرول نہیں کرے گا کیونکہ یہ عالمی پانیوں کا علاقہ ہے۔ انہوں نے کہا کہ امریکا اس صورتحال پر نظر رکھے ہوئے ہے اور عمان بھی اس حقیقت کو سمجھتا ہے۔

ایران کے ساتھ ممکنہ معاہدے سے متعلق سوال پر ٹرمپ نے کہا کہ انہیں وسط مدتی انتخابات کے حوالے سے کسی قسم کے سیاسی دباؤ کی پرواہ نہیں ہے۔