عالمی منڈی میں تیل مہنگا، برینٹ کروڈ 106 ڈالر فی بیرل تک پہنچ گیا -

اسلام آباد(کیپٹل ٹائمز نیوز ڈیسک)عالمی منڈی میں خام تیل کی قیمتوں میں اضافے کا سلسلہ جاری ہے، جہاں برینٹ کروڈ آئل 1.32 فیصد اضافے کے بعد 106 ڈالر فی بیرل تک پہنچ گیا ہے۔

تفصیلات کے مطابق Iran اور United States کے درمیان کشیدگی کے بعد عالمی توانائی منڈی میں عدم استحکام بڑھ گیا ہے، جس کے نتیجے میں تیل کی قیمتوں میں مسلسل اضافہ دیکھا جا رہا ہے۔

Brent crude oil کی قیمت 106 ڈالر فی بیرل تک جا پہنچی ہے، جبکہ WTI crude oil کی قیمت میں 1.18 فیصد اضافہ ہوا ہے اور یہ 97 ڈالر فی بیرل پر ٹریڈ کر رہی ہے۔ اسی طرح Murban crude oil کی قیمت بھی 106 ڈالر فی بیرل تک پہنچ گئی ہے۔

ماہرین کے مطابق مشرقِ وسطیٰ میں کشیدگی اور سپلائی سے متعلق خدشات عالمی مارکیٹ پر دباؤ ڈال رہے ہیں، جس کے باعث توانائی کی قیمتیں مزید بڑھنے کا امکان ظاہر کیا جا رہا ہے۔