ہانیہ عامر کی نئی انسٹاگرام پروفائل تصویر نے مداحوں کو حیران کر دیا -

اسلام آباد(کیپٹل ٹائمز نیوز ڈیسک)Hania Aamir ایک بار پھر سوشل میڈیا کی توجہ کا مرکز بن گئی ہیں، تاہم اس بار وجہ ان کا کوئی نیا ڈرامہ یا فلم نہیں بلکہ انسٹاگرام پروفائل میں کی گئی غیر متوقع تبدیلی ہے۔

پاکستان اور بیرونِ ملک بے حد مقبول اداکارہ ہانیہ عامر کو پاکستان کی سب سے زیادہ فالو کی جانے والی اداکاراؤں میں شمار کیا جاتا ہے، جبکہ وہ اپنی پیشہ ورانہ اور ذاتی زندگی کے باعث اکثر خبروں میں رہتی ہیں۔

اداکارہ نے حال ہی میں اپنی انسٹاگرام پروفائل تصویر تبدیل کرتے ہوئے شناختی کارڈ والی تصویر کو پروفائل پکچر بنا لیا، جس نے مداحوں کو حیران کر دیا۔ اس کے ساتھ ہی انہوں نے اپنی بیشتر پرانی انسٹاگرام پوسٹس بھی ڈیلیٹ یا آرکائیو کر دیں، جس کے بعد ان کے اکاؤنٹ پر صرف 11 پوسٹس باقی رہ گئی ہیں۔

سوشل میڈیا صارفین نے ہانیہ عامر کے اس منفرد انداز پر دلچسپ ردعمل دیا۔ کئی مداحوں نے ان کی شناختی کارڈ تصویر کی تعریف کی، جبکہ بعض صارفین نے مزاحیہ تبصرے کرتے ہوئے کہا کہ شاید صرف ہانیہ عامر ہی شناختی کارڈ تصویر میں بھی اتنی خوبصورت لگ سکتی ہیں۔

دوسری جانب کچھ ناقدین نے اس اقدام کو توجہ حاصل کرنے کی کوشش قرار دیا، جبکہ متعدد مداحوں نے تشویش کا اظہار کرتے ہوئے سوال اٹھایا کہ آیا اداکارہ خیریت سے ہیں یا نہیں۔