پاکستان نے سی بی ایس نیوز کی رپورٹ کو گمراہ کن قرار دے دیا -

اسلام آباد(کیپٹل ٹائمز نیوز ڈیسک)Ministry of Foreign Affairs of Pakistan نے CBS News کی رپورٹ کو مسترد کرتے ہوئے اسے گمراہ کن اور قیاس آرائیوں پر مبنی قرار دیا ہے۔

ترجمان دفتر خارجہ کے مطابق ایران اور امریکا کے طیارے اسلام آباد میں ہونے والے مذاکرات کے دوران سفارتی عملے کی نقل و حرکت کے لیے پاکستان آئے تھے اور آئندہ مذاکراتی مراحل کے پیش نظر عارضی طور پر پاکستان میں موجود رہے۔

بیان میں واضح کیا گیا کہ پاکستان میں موجود ایرانی طیارے کا کسی فوجی ہنگامی صورتحال سے کوئی تعلق نہیں۔ ترجمان نے کہا کہ پاکستان نے ہمیشہ غیر جانبدار اور ذمہ دار سہولت کار کا کردار ادا کیا ہے۔

دفتر خارجہ کے مطابق Pakistan خطے میں امن، مذاکرات اور کشیدگی میں کمی کی کوششوں کی حمایت جاری رکھے گا۔