برطانیہ میں مہنگائی کے دباؤ سے نمٹنے کے لیے بڑے اقدامات، وزیراعظم کیئر اسٹارمر کا اعلان -

برطانیہ کے وزیراعظم Keir Starmer نے کہا ہے کہ ایران سے متعلق جنگی صورتحال کے باعث عالمی سطح پر بڑھتی مہنگائی کے اثرات کو کم کرنے کے لیے حکومت نے فوری اقدامات شروع کر دیے ہیں۔

وزیراعظم نے توانائی، انشورنس اور شپنگ کمپنیوں کے عہدیداروں سے ملاقات کے بعد کوبرا اجلاس طلب کیا، جس میں موجودہ صورتحال کا تفصیلی جائزہ لیا گیا۔ انہوں نے اس عزم کا اظہار کیا کہ Strait of Hormuz کو کھلا رکھنے کی کوشش کی جائے گی کیونکہ عالمی تجارت اور تیل کی ترسیل کے لیے اس کی بحالی نہایت اہم ہے۔

حکومت کی جانب سے شہریوں کو ریلیف دینے کے لیے متعدد اقدامات کا اعلان کیا گیا ہے:

نیشنل لیونگ ویج میں اضافہ کرکے 12.7 پاؤنڈ فی گھنٹہ کر دیا گیا ہے، جس سے تقریباً 24 لاکھ ملازمین کو سالانہ 900 پاؤنڈ اضافی ملیں گے۔
کم از کم اجرت بڑھا کر 10.85 پاؤنڈ کر دی گئی ہے، جس سے دو لاکھ نوجوان کارکنوں کو سالانہ 1500 پاؤنڈ تک فائدہ ہوگا۔
توانائی بلوں میں سالانہ اوسطاً 117 پاؤنڈ کمی کی جائے گی، جس کا اطلاق جون تک متوقع ہے۔
ادویات کی قیمتوں کو منجمد کر دیا گیا ہے تاکہ عوام پر اضافی بوجھ نہ پڑے۔

وزیراعظم اسٹارمر نے کہا کہ ایران سے جڑی کشیدگی کے باعث عوام میں تشویش پائی جاتی ہے، تاہم حکومت کی پوری کوشش ہے کہ قیمتوں کو قابو میں رکھا جائے اور شہریوں کو ریلیف فراہم کیا جائے۔