یکم ذوالقعدہ 1447 ہجری کب ہوگی؟سپارکو نےاہم پیشگوئی کر دی -

اسلام آباد(کیپٹل ٹائمز نیوز ڈیسک)سپارکو نے ذوالقعدہ 1447 ہجری کے چاند کی رویت سے متعلق اہم پیش گوئی جاری کر دی ہے۔سپارکو کے مطابق ذوالقعدہ کا نیا چاند 17 اپریل کو پاکستانی وقت کے مطابق شام 4 بج کر 52 منٹ پر پیدا ہوگا۔

ماہرین کے مطابق 18 اپریل کی شام ملک بھر میں چاند نظر آنے کے قوی امکانات ہیں۔اعداد و شمار کے مطابق 18 اپریل کو غروبِ آفتاب کے وقت چاند کی عمر 26 گھنٹے سے زائد ہوگی، جو رویت کے لیے موزوں سمجھی جاتی ہے۔ خصوصاً ساحلی علاقوں میں غروبِ آفتاب اور غروبِ ماہتاب کے درمیان تقریباً 81 منٹ کا وقفہ متوقع ہے، جو چاند دیکھنے کے امکانات کو مزید بڑھاتا ہے۔

سپارکو کی پیش گوئی کے مطابق پاکستان میں یکم ذوالقعدہ 1447 ہجری 19 اپریل بروز اتوار ہونے کی توقع ہے۔تاہم نئے اسلامی مہینے کے آغاز کا حتمی اعلان مرکزی رویت ہلال کمیٹی شہادتوں کی بنیاد پر کرے گی۔