پاکستان میں حج آپریشن 2026 کا باضابطہ آغاز -

اسلام آباد(کیپٹل ٹائمز نیوز ڈیسک)پاکستان میں حج آپریشن 2026 کا باضابطہ آغاز ہو گیا ہے، جس کے تحت پہلی حج پرواز آج رات 3 بجے جناح انٹرنیشنل ایئرپورٹ سے روانہ ہوگی۔حکام کے مطابق ایئرپورٹ پر عازمینِ حج کے لیے تمام انتظامات مکمل کر لیے گئے ہیں۔ اس سال کراچی سے 31 ہزار سے زائد عازمین سعودی عرب روانہ ہوں گے۔

عازمین کو ہدایت کی گئی ہے کہ وہ امیگریشن اور دیگر ضروری مراحل کی بروقت تکمیل کے لیے رات 8 بجے تک ایئرپورٹ پہنچ جائیں۔

خصوصی بات یہ ہے کہ اس سال بھی روڈ ٹو مکہ پراجیکٹ کے تحت سعودی امیگریشن کا عمل کراچی ایئرپورٹ پر ہی مکمل کیا جائے گا، جس سے سعودی عرب پہنچنے پر وقت کی بچت ہوگی۔اسی طرح فیڈرل انویسٹی گیشن ایجنسی (ایف آئی اے) نے بھی امیگریشن کے عمل کو تیز اور آسان بنانے کے لیے خصوصی اقدامات کیے ہیں، جبکہ عملے کو عازمین کی سہولت کے لیے واضح ہدایات جاری کی گئی ہیں۔

دوسری جانب علامہ اقبال انٹرنیشنل ایئرپورٹ پر بھی روڈ ٹو مکہ پراجیکٹ کے تحت سعودی ٹیمیں پہنچ چکی ہیں، جہاں عازمین کے لیے خصوصی ہال قائم کیا گیا ہے تاکہ امیگریشن کے بعد وہ براہِ راست جہاز میں سوار ہو سکیں۔یہ اقدامات حج کے سفر کو مزید آسان، منظم اور سہل بنانے کے لیے کیے گئے ہیں۔