ایران، امریکا جنگ بندی مذاکرات غیر یقینی کا شکار، ایرانی وزیر خارجہ عمان روانہ -

اسلام آباد(کیپٹل ٹائمز نیوز ڈیسک)ایران اور امریکا کے درمیان متوقع جنگ بندی مذاکرات غیر یقینی صورتحال کا شکار ہو گئے ہیں، کیونکہ امریکی وفد تاحال پاکستان نہیں پہنچ سکا جبکہ ایرانی وزیر خارجہ Abbas Araghchi عمان روانہ ہو گئے ہیں۔

عالمی خبر رساں ادارے کے مطابق عباس عراقچی گزشتہ روز اپنے سہ ملکی دورے کے پہلے مرحلے میں Islamabad پہنچے تھے، جہاں امریکا کے ساتھ جنگ بندی مذاکرات کا دوسرا دور ہونا تھا۔ تاہم امریکی وفد کی آمد سے قبل ہی وہ Muscat روانہ ہوگئے، جہاں سے وہ روس کے دارالحکومت Moscow کا دورہ بھی کریں گے۔

ادھر White House نے اعلان کیا تھا کہ صدر Donald Trump کے خصوصی ایلچی Steve Witkoff اور مشیر Jared Kushner ہفتے کی شام پاکستان کے لیے روانہ ہوں گے، تاہم ایرانی وزیر خارجہ کی عدم موجودگی کے باعث مذاکرات کے مستقبل پر سوالات اٹھ گئے ہیں۔

امریکی نشریاتی ادارے CBS News کے مطابق امکان ظاہر کیا جا رہا ہے کہ عباس عراقچی مسقط اور ماسکو کے دورے کے بعد دوبارہ اسلام آباد واپس آ سکتے ہیں۔ ذرائع کا کہنا ہے کہ وہ اتوار یا پیر کو پاکستان میں دوبارہ مذاکرات کے لیے موجود ہو سکتے ہیں۔

یاد رہے کہ امریکی میڈیا کے مطابق یہ مذاکرات ایران کی درخواست پر ترتیب دیے گئے تھے، جن میں جنگ بندی سے متعلق اہم پیش رفت متوقع تھی، تاہم موجودہ صورتحال نے سفارتی عمل کو غیر یقینی بنا دیا ہے۔