ایرانی تجاویز مسترد، عالمی مارکیٹ میں خام تیل مزید مہنگا -

اسلام آباد(کیپٹل ٹائمز نیوز ڈیسک)عالمی مارکیٹ میں خام تیل کی قیمتوں میں ایک بار پھر نمایاں اضافہ ریکارڈ کیا گیا ہے۔ امریکی صدر Donald Trump کی جانب سے ایرانی تجاویز مسترد کیے جانے کے بعد عالمی سطح پر غیر یقینی صورتحال بڑھ گئی، جس کے اثرات تیل کی منڈی پر بھی پڑے ہیں۔

برطانوی برینٹ کروڈ آئل کی قیمت میں 3.28 فیصد اضافہ ہوا ہے جس کے بعد نئی قیمت 104.6 ڈالر فی بیرل تک پہنچ گئی ہے، جبکہ امریکی خام تیل 98.93 ڈالر فی بیرل پر فروخت ہو رہا ہے۔

تیل کی قیمتوں پر نظر رکھنے والی ویب سائٹس کے مطابق جنگ کے آغاز کے بعد سے برینٹ خام تیل کی قیمت میں تقریباً 20 ڈالر فی بیرل اضافہ ہو چکا ہے، جس سے عالمی معیشت اور توانائی مارکیٹ پر دباؤ بڑھنے کا خدشہ ظاہر کیا جا رہا ہے۔