آر سی بی کے ٹم ڈیوڈ پر سخت کارروائی، آئی پی ایل کے اگلے سیزن کا پہلا میچ معطل -

اسلام آباد(کیپٹل ٹائمز نیوز ڈیسک)بھارتی پریمیئر لیگ (آئی پی ایل) میں رائل چیلنجرز بینگلور (آر سی بی) کے بلے باز ٹم ڈیوڈ پر ضابطہ اخلاق کی خلاف ورزی کے باعث اگلے سیزن کے پہلے میچ کی پابندی عائد کر دی گئی ہے، جبکہ ان پر بھاری جرمانہ بھی لگایا گیا ہے۔

بھارتی میڈیا کے مطابق Tim David کو یہ سزا آئی پی ایل 2026 کے فائنل میں گجرات ٹائٹنز کے خلاف میچ کے دوران امپائر پر آئس بیگ پھینکنے کے واقعے کے بعد دی گئی۔ اس واقعے کے بعد انہیں کوڈ آف کنڈکٹ کے تحت قصوروار قرار دیا گیا۔

رپورٹس کے مطابق یہ ان کا اس سیزن کا تیسرا لیول ون جرم تھا، جس کے نتیجے میں ان کے ڈی میرٹ پوائنٹس بڑھ کر پانچ ہو گئے اور ایک میچ کی پابندی لاگو کر دی گئی۔ اس کے ساتھ انہیں میچ فیس کا 50 فیصد جرمانہ بھی ادا کرنا ہوگا اور دو اضافی ڈی میرٹ پوائنٹس دیے گئے ہیں۔

یہ واقعہ اس وقت پیش آیا جب گجرات ٹائٹنز کی اننگز کے دوران واشنگٹن سندر کی گیند پر جورڈن کاکس کا کیچ تھرڈ امپائر نے ناٹ آؤٹ قرار دیا، جس پر میدان میں تنازع پیدا ہوا۔

آئی پی ایل ضابطہ اخلاق کے آرٹیکل 2.9 کے تحت کسی کھلاڑی یا امپائر کی طرف خطرناک یا نامناسب چیز پھینکنا سنگین خلاف ورزی تصور کی جاتی ہے۔

واضح رہے کہ Royal Challengers Bengaluru کے کھلاڑی ٹم ڈیوڈ پہلے بھی اس سیزن میں دو مرتبہ ضابطہ اخلاق کی خلاف ورزی کر چکے ہیں، جس کے بعد یہ سخت کارروائی کی گئی ہے۔