ٹرمپ نے ایران کو 300 ملین ڈالر دینے کی خبروں کو "جھوٹا پروپیگنڈا” قرار دے دیا -

اسلام آباد(کیپٹل ٹائمز نیوز ڈیسک)Donald Trump نے ایران کو 300 ملین ڈالر دینے سے متعلق گردش کرنے والی خبروں کو مکمل طور پر بے بنیاد قرار دیتے ہوئے کہا ہے کہ یہ دعوے سیاسی مقاصد کے لیے پھیلائے جا رہے ہیں۔ انہوں نے اپنے سوشل میڈیا پلیٹ فارم ٹروتھ سوشل پر کہا کہ امریکا کی جانب سے ایران کو 300 ملین ڈالر فراہم کرنے کی خبر "فیک نیوز” ہے اور اس میں کوئی صداقت نہیں۔

ٹرمپ کے مطابق نہ تو ایران کے لیے کسی مالی امداد کا فیصلہ کیا گیا ہے اور نہ ہی ایسا کوئی منصوبہ زیر غور ہے۔ انہوں نے الزام عائد کیا کہ اس قسم کی خبریں ان کے سیاسی مخالفین کی جانب سے پھیلائی جا رہی ہیں۔

اپنے بیان میں ٹرمپ نے یہ دعویٰ بھی کیا کہ ایران نے اس بات پر اتفاق کیا ہے کہ وہ کبھی بھی جوہری ہتھیار حاصل نہیں کرے گا، جسے انہوں نے امریکا اور ایران کے درمیان جاری سفارتی پیش رفت کا اہم حصہ قرار دیا۔ تاہم اس ممکنہ معاہدے کی تفصیلات ابھی مکمل طور پر سامنے نہیں آئی ہیں۔

کچھ رپورٹس میں ایران کے لیے اربوں ڈالر کی ممکنہ غیر امریکی سرمایہ کاری یا اقتصادی مراعات کا ذکر کیا گیا ہے، لیکن امریکی حکام کا کہنا ہے کہ اس میں امریکی ٹیکس دہندگان کی رقم شامل نہیں ہوگی۔