امریکی نائب صدر اہم مذاکرات کے لیے سوئٹزرلینڈ روانہ، ایران کے جوہری معاملے پر پیش رفت کی امید -

اسلام آباد(کیپٹل ٹائمز نیوز ڈیسک)واشنگٹن: امریکی نائب صدر جے ڈی وینس ایران کے ساتھ حالیہ معاہدے پر عمل درآمد سے متعلق اہم مذاکرات میں شرکت کے لیے سوئٹزرلینڈ روانہ ہوگئے۔ روانگی سے قبل انہوں نے امید ظاہر کی کہ ایران کے جوہری پروگرام اور لبنان میں جنگ بندی کے حوالے سے مثبت پیش رفت ممکن ہوگی۔

سفارتی ذرائع کے مطابق مذاکرات میں ایران کے جوہری پروگرام، خطے کے امن و استحکام، لبنان کی صورتحال اور جنگ بندی کے مستقبل سمیت اہم امور پر غور کیا جائے گا۔ ثالثی کے عمل میں پاکستان اور قطر بھی کردار ادا کر رہے ہیں۔

سیاسی ماہرین کا کہنا ہے کہ امریکی نائب صدر کی براہِ راست شرکت اس بات کی نشاندہی کرتی ہے کہ واشنگٹن ان مذاکرات کو غیر معمولی اہمیت دے رہا ہے۔ اگر بات چیت کامیاب رہی تو اس کے مثبت اثرات پورے مشرقِ وسطیٰ کے امن اور سلامتی پر مرتب ہو سکتے ہیں۔