شہر میں وقفے وقفے سے بارش کا امکان، موسم خوشگوار ہوگیا
اسلام آباد(کیپٹل ٹائمز نیوز ڈیسک)شہر کے مختلف علاقوں میں بارش کے باعث موسم خوشگوار ہو گیا ہے، جبکہ ٹھنڈی ہواؤں نے گرمی کی شدت میں بھی نمایاں کمی کر دی ہے۔
محکمہ موسمیات کے مطابق آج شہر میں 20 سے 80 فیصد تک بارش کا امکان ہے اور موسم جزوی ابر آلود رہے گا، جبکہ دن بھر وقفے وقفے سے بارش متوقع ہے۔
محکمہ موسمیات کا کہنا ہے کہ موجودہ درجہ حرارت 31 ڈگری سینٹی گریڈ ریکارڈ کیا گیا، جبکہ زیادہ سے زیادہ 35 اور کم سے کم 27 ڈگری سینٹی گریڈ رہنے کا امکان ہے۔ ہوائیں 8 کلومیٹر فی گھنٹہ کی رفتار سے چل رہی ہیں اور ہوا میں نمی کا تناسب 77 فیصد ریکارڈ کیا گیا ہے۔
محکمہ موسمیات نے شہریوں کو موسم کی تازہ صورتحال سے باخبر رہنے اور بارش کے دوران احتیاطی تدابیر اختیار کرنے کی ہدایت کی ہے۔
About The Author
