ابرار احمد کی توجہ بولنگ پر مرکوز، ٹیم کے ٹائٹل جیتنے کے لیے پُرامید -

کوئٹہ گلیڈی ایٹرز کے اسپنر Abrar Ahmed نے کہا ہے کہ اس وقت ان کی بنیادی توجہ اپنی بولنگ کو مزید بہتر بنانے پر ہے، جبکہ بیٹنگ کے لیے روزانہ مختصر وقت دینا ہی ان کے لیے کافی ہے۔

ابرار احمد کا کہنا تھا کہ وہ ساتھی بولر Usman Tariq کے ساتھ مل کر پلان کے مطابق بولنگ کرنے کی کوشش کرتے ہیں کیونکہ مسلسل مؤثر اوورز بیٹرز کے لیے مشکلات پیدا کرتے ہیں۔

انہوں نے حکمتِ عملی پر بات کرتے ہوئے کہا کہ اگر بیٹرز دفاعی انداز اپنائیں تو ان کی کوشش ہوتی ہے کہ انہیں شاٹس کھیلنے کا موقع نہ دیا جائے، رنز کو محدود رکھا جائے اور وکٹیں حاصل کی جائیں۔

ابرار احمد نے Quetta Gladiators کو ایک متوازن ٹیم قرار دیتے ہوئے کہا کہ اس بار ٹیم کی اسپن، فاسٹ بولنگ اور بیٹنگ تینوں شعبے مضبوط ہیں، اور وہ فائنل کھیلنے کے ساتھ ٹائٹل جیتنے کے لیے پُرامید ہیں۔

انہوں نے مزید کہا کہ نئی ٹیموں کی شمولیت سے مقابلہ مزید سخت ہو گیا ہے، نئے باصلاحیت کھلاڑی سامنے آئے ہیں اور نئی ٹیمیں بھی جلد دیگر ٹیموں کے برابر کارکردگی دکھائیں گی۔

دو وینیوز پر میچز کے انعقاد سے متعلق سوال پر ابرار احمد کا کہنا تھا کہ زیادہ استعمال ہونے والی وکٹیں بولرز، خاص طور پر اسپنرز کے لیے مددگار ثابت ہوتی ہیں، اور ٹیموں نے اسی حساب سے اپنی حکمتِ عملی ترتیب دی ہوگی۔

سیلیبریشن کے حوالے سے انہوں نے کہا کہ وہ کسی نئے انداز کے بجائے اپنا پرانا سیلیبریشن اسٹائل ہی پسند کرتے ہیں۔

بیٹنگ کے بارے میں بات کرتے ہوئے ابرار احمد نے کہا کہ وہ ون ڈے اور ٹیسٹ کرکٹ کو مدنظر رکھتے ہوئے بیٹنگ پر بھی کام کر رہے ہیں، تاہم فی الحال ان کے لیے 10 منٹ کی بیٹنگ پریکٹس کافی ہے۔