ٹرمپ آج اہم خطاب کریں گے، ایران جنگ پر بڑی پیش رفت متوقع -

White House نے اعلان کیا ہے کہ امریکی صدر Donald Trump آج قوم سے ایک اہم خطاب کریں گے، جس میں ایران کے ساتھ جاری جنگ کے حوالے سے بڑی پیش رفت متوقع ہے۔

وائٹ ہاؤس کی ترجمان Karoline Leavitt نے سوشل میڈیا پلیٹ فارم “ایکس” پر جاری بیان میں کہا کہ صدر ٹرمپ مقامی وقت کے مطابق رات 9 بجے قوم سے خطاب کریں گے اور ایران کی صورتحال پر تازہ اپڈیٹ دیں گے۔

یہ اعلان ایسے وقت سامنے آیا ہے جب صدر ٹرمپ نے عندیہ دیا تھا کہ امریکی افواج آئندہ دو سے تین ہفتوں میں ایران سے نکل سکتی ہیں، جس سے جنگ کے ممکنہ خاتمے کے امکانات بڑھ گئے ہیں۔

ذرائع کے مطابق United States اور Israel کی جانب سے Tehran پر تازہ حملے کیے گئے ہیں، جبکہ Iran کی طرف سے بھی ڈرونز اور میزائل حملوں کا سلسلہ جاری ہے۔

جنگ کے اثرات اب عالمی معیشت پر بھی نمایاں ہونے لگے ہیں، جبکہ امریکا میں پیٹرول کی قیمتیں 4 ڈالر فی گیلن سے تجاوز کر چکی ہیں، جس سے مہنگائی میں مزید اضافے کا خدشہ ظاہر کیا جا رہا ہے۔

رپورٹس کے مطابق اس تنازع میں اب تک 3 ہزار سے زائد افراد ہلاک جبکہ لاکھوں افراد بے گھر ہو چکے ہیں، جبکہ امریکی فوج کے 13 اہلکار ہلاک اور 300 سے زائد زخمی ہو چکے ہیں۔