پی ایس ایل 11: آصف محمود کا قومی ٹیم میں واپسی سے متعلق سوال پر دلچسپ جواب -

پاکستان سپر لیگ کے گیارہویں ایڈیشن پاکستان سپر لیگ میں اسلام آباد یونائیٹڈ کے خلاف شاندار کارکردگی دکھانے والے فاسٹ بولر آصف محمود نے قومی ٹیم میں واپسی سے متعلق سوال پر محتاط اور دلچسپ ردعمل دیا۔

پچ سائیڈ پوسٹ میچ شو کے دوران سابق کپتان ثناء میر نے ان سے سوال کیا کہ کیا شائقین انہیں دوبارہ قومی ٹیم میں دیکھ سکتے ہیں، جس پر آصف محمود نے مسکراتے ہوئے “کوئی جواب نہیں” کہہ کر بات ٹال دی۔

میزبان زینب عباس اور ثناء میر نے اس ردعمل کو دانشمندانہ قرار دیتے ہوئے کہا کہ بعض اوقات خاموشی بھی بہت کچھ بیان کر دیتی ہے۔

ثناء میر نے اس موقع پر یہ بھی یاد دلایا کہ جب عثمان خان نے سنچری اسکور کی تھی تو ان کا جواب بھی اسی نوعیت کا تھا، جس سے اندازہ ہوتا ہے کہ کھلاڑی اکثر ایسے سوالات پر محتاط رہتے ہیں۔