ایران اور امریکا کے درمیان کوئی ملاقات طے نہیں، عباس عراقچی کے دورۂ پاکستان میں اہم مشاورت متوقع -

اسلام آباد(کیپٹل ٹائمز نیوز ڈیسک)ایرانی وزارتِ خارجہ کے ترجمان Esmail Baghaei نے واضح کیا ہے کہ ایرانی وزیر خارجہ Abbas Araghchi کے حالیہ دورے کے دوران ایران اور امریکا کے حکام کے درمیان کسی بھی ملاقات کا کوئی شیڈول طے نہیں کیا گیا۔

غیرملکی میڈیا رپورٹس کے مطابق ترجمان نے بتایا کہ وہ وزیر خارجہ کے ہمراہ سرکاری دورے پر Islamabad پہنچے ہیں، جہاں پاکستانی حکام کے ساتھ اہم ملاقاتیں متوقع ہیں۔

انہوں نے کہا کہ ایرانی وفد ان ملاقاتوں میں اپنے مشاہدات پاکستانی حکام کے ساتھ شیئر کرے گا، جبکہ خطے کی صورتحال، امریکا کی جانب سے مسلط کردہ جارحیت کے خاتمے اور امن کی بحالی سے متعلق امور پر تفصیلی تبادلہ خیال کیا جائے گا۔

اسماعیل بقائی کے مطابق اس دورے کے دوران پاکستان کی اعلیٰ قیادت سے بھی ملاقاتیں ہوں گی، جن میں پاکستان کی جانب سے جاری ثالثی کی کوششوں اور خطے میں کشیدگی کم کرنے کے اقدامات پر گفتگو کی جائے گی۔