ایران کے پاس مذاکرات کا آخری موقع، ایٹمی پروگرام ترک کرنا ہوگا: امریکی وزیرِ جنگ -

اسلام آباد(کیپٹل ٹائمز نیوز ڈیسک)امریکی وزیرِ جنگ Pete Hegseth نے ایران کو خبردار کرتے ہوئے کہا ہے کہ اس کے پاس اب بھی موقع ہے کہ وہ مذاکرات کی میز پر دانشمندانہ فیصلہ کرے اور اپنا ایٹمی ہتھیاروں کا پروگرام ترک کرے۔

پریس کانفرنس کے دوران انہوں نے کہا کہ ممکنہ ڈیل کے لیے یہ ایک تاریخی موقع ہے اور اب گیند ایران کے کورٹ میں ہے۔ ان کا کہنا تھا کہ ایران کو عالمی برادری کے ساتھ سنجیدہ مذاکرات کے ذریعے مثبت پیش رفت دکھانا ہوگی۔

امریکی وزیرِ جنگ نے مزید کہا کہ ایرانی سمندروں میں امریکی ناکا بندی ہر گزرتے دن کے ساتھ مزید مضبوط ہو رہی ہے، جس کا مقصد خطے میں سیکیورٹی کو یقینی بنانا ہے۔

دوسری جانب امریکی فوج کے جنرل Dan Kane نے بتایا کہ امریکا آبنائے ہرمز کی مکمل ناکا بندی پر ہر سطح پر عمل درآمد کر رہا ہے۔ ان کے مطابق قبضے میں لیے گئے ایرانی بحری جہاز "توسکا” کا عملہ محفوظ ہے۔