: پاکستان اسٹاک ایکسچینج میں زبردست تیزی، انڈیکس میں ہزاروں پوائنٹس کا اضافہ؛ ڈالر معمولی سستا
پاکستان اسٹاک ایکسچینج میں زبردست تیزی، انڈیکس میں ہزاروں پوائنٹس کا اضافہ؛ ڈالر معمولی سستا
پاکستان اسٹاک ایکسچینج میں کاروباری ہفتے کے دوسرے روز نمایاں تیزی دیکھی گئی، جہاں بینچ مارک 100 انڈیکس میں 3872 پوائنٹس کا اضافہ ریکارڈ کیا گیا۔ اس اضافے کے بعد انڈیکس بڑھ کر 1 لاکھ 64 ہزار 464 پوائنٹس کی سطح پر پہنچ گیا۔
کاروبار کے دوران انڈیکس کی کم ترین سطح 1 لاکھ 63 ہزار 416 جبکہ بلند ترین سطح 1 لاکھ 64 ہزار 683 پوائنٹس رہی۔ یاد رہے کہ گزشتہ روز مارکیٹ 1 لاکھ 60 ہزار 591 پوائنٹس پر بند ہوئی تھی۔
دوسری جانب انٹر بینک مارکیٹ میں امریکی ڈالر کی قدر میں معمولی کمی ہوئی ہے، جہاں ڈالر 1 پیسہ سستا ہو کر تقریباً 278.99 روپے پر آ گیا۔
مجموعی طور پر اسٹاک مارکیٹ میں سرمایہ کاروں کا اعتماد بحال ہوتا دکھائی دے رہا ہے جبکہ کرنسی مارکیٹ میں بھی استحکام کا رجحان برقرار ہے۔
About The Author
