نکوٹین والے ویپس سگریٹ چھوڑنے میں زیادہ مؤثر، مگر مکمل محفوظ نہیں: تحقیق -

دنیا بھر میں 2014 سے 2023 تک سگریٹ نوشی ترک کرنے کے طریقوں پر کیے گئے نئے جائزے سے معلوم ہوا ہے کہ نکوٹین والے الیکٹرانک سگریٹس (ویپس) استعمال کرنا سگریٹ چھوڑنے کا سب سے مؤثر طریقہ ہے۔

شواہد کے مطابق، نکوٹین والے ویپس نکوٹین کے متبادل طریقوں جیسے پیچز، چیونگ گم، لوزینجز اور رویہ جاتی مدد سے زیادہ مؤثر ثابت ہوئے، اور یہ نکوٹین فری ای سگریٹس سے بھی زیادہ کارآمد ہیں۔

تاہم، Centers for Disease Control and Prevention (CDC) کا کہنا ہے کہ نکوٹین پر مبنی ایک چیز کو چھوڑ کر دوسری نکوٹین والی چیز اختیار کرنا ضروری طور پر صحت کے لیے بہتری نہیں۔

الیکٹرانک سگریٹس میں روایتی سگریٹس کے دھوئیں میں موجود تقریباً 7000 مہلک کیمیکلز کی نسبت کم نقصان دہ مادے ہوتے ہیں، اور طبی ماہرین متفق ہیں کہ روایتی سگریٹ کینسر، میٹابولک امراض، ذہنی کمزوری اور دیگر سنگین صحت کے مسائل کا سبب بنتے ہیں، لیکن ویپس کو مکمل محفوظ نہیں سمجھا جاتا۔

سائنس دان اب بھی طویل مدت میں الیکٹرانک سگریٹس کے انسانی صحت پر اثرات کے بارے میں تحقیق جاری رکھے ہوئے ہیں۔