میشا شفیع کا عدالتی فیصلے پر ردعمل، “سچ بولنا ہی میری کامیابی ہے” -

معروف گلوکارہ Meesha Shafi نے ہتکِ عزت کے مقدمے میں عدالتی فیصلے کے بعد سوشل میڈیا پر اپنے خیالات کا اظہار کیا ہے۔

انہوں نے انسٹاگرام اسٹوریز کے ذریعے خواتین کے حوصلے، خودمختاری اور مضبوطی سے متعلق پیغامات اور شاعری شیئر کی، جس سے ظاہر ہوتا ہے کہ وہ اس مرحلے کو ایک ذاتی آزمائش کے طور پر دیکھتے ہوئے اب خود کو سنبھالنے اور آگے بڑھنے پر توجہ دے رہی ہیں۔

میشا شفیع کا کہنا ہے کہ وہ اس مشکل تجربے سے گزر چکی ہیں اور اب شفا کے سفر کی جانب بڑھ رہی ہیں۔ ان کے مطابق سچ بولنا ہی ان کی اصل کامیابی ہے اور وہ اپنے کام کے ذریعے خود کو مزید مضبوط بنائیں گی۔

واضح رہے کہ یہ تنازع تقریباً آٹھ سال قبل اس وقت شروع ہوا تھا جب انہوں نے گلوکار Ali Zafar پر ہراسانی کے الزامات عائد کیے تھے، جس کے بعد دونوں کے درمیان طویل قانونی جنگ جاری رہی۔

حالیہ عدالتی فیصلے میں علی ظفر کے حق میں فیصلہ سنایا گیا ہے، جبکہ میشا شفیع کو ہرجانے کے طور پر 50 لاکھ روپے ادا کرنے کا حکم دیا گیا ہے۔